Хитой шимоли-ғарбидаги Нинся-Хуэй автоном туманидаги Инчуан шаҳрида бубон вабоси билан касалланиш ҳолати аниқланди. Бу ҳақда Sinxua агентлиги вабонинг олдини олиш ва унга қарши курашиш бўйича минтақавий штабга таяниб, хабар берди.
Бемор Инчуанга Ички Монголия автоном раёнида бўлиб қайтган. Нинся-Хуэй туманида вабонинг олдини олиш ва унга қарши курашиш учун фавқулодда чораларнинг тўртинчи даражаси жорий қилинди.
Июль ойи бошида Хитойнинг Ухань университетида вабо билан касалланиш бўйича битта ҳолат аниқланган эди. Бемор касалхонага ётқизилгач, унинг аҳволи барқарорлашган, инфекция симптомлари ўтиб кетган.
Тадқиқотчилар ҳисоб-китобларига кўра, дунёда ҳар йили 1,3 миллиондан 4 миллионгача вабо билан касалланиш ҳолати ва 21—143 мингта ўлим ҳолати аниқланади. Агар даволанмаса, касаллик беморнинг бир неча соат ичидаги ўлими билан тугайди, деб огоҳлантиради Жаҳон соғлиқни сақлаш ташкилоти. Касаллик қўзғатувчи бактерия тушган овқат ва сув орқали тарқалади ҳамда кучли диарея ва сувсизликни келтириб чиқаради.
Изоҳ (0)