Украина урушда қатнашаётган россияликларнинг қариндошларига санкциялар қўлланишини таъминлашга ҳаракат қилмоқда. Бу ҳақда Украина президенти офиси раҳбари Андрей Ермак «Новое время» нашрига берган интервьюсида айтиб ўтди.
Бугун тупроғимизга қадам қўйган ҳар бир аскар, унинг яқинлари, фарзандлари, оиласи ҳам санкциялар рўйхатида бўлишини истайман. Улар шуни билиши керакки, агар сен украиналикларни ўлдириш учун келган бўлсанг, болаларинг ривожланган мамлакатларга ўқишга борма олмаслиги шарт.Ермак бундай чекловчи чораларни жорий этишга эришиш «юридик нуқтаи назардан қийин» эканини тан олди. «Аммо биз бу аскарларнинг оилалари Туркияга таътилга ҳам кета олмаслиги устида ишлаяпмиз. Бугун бу қийин, аммо келажакда биз бунга албатта эришамиз», — деди у.
Ҳозирда Европа Иттифоқининг санкциялар рўйхатига Россия ҳарбий қўмондонлиги вакиллари, шунингдек, Украина ҳудудида ноқонуний ҳаракатларда, масалан, Буча шаҳрида тинч аҳолини ўлдиришда иштирок этганликда гумон қилинаётган ҳарбий хизматчилар киритилган. Айрим россиялик тадбиркор ва сиёсатчиларнинг яқинлари санкциялар остида. Масалан, Россия президенти Владимир Путиннинг қизлари ва собиқ рафиқаси, Россия президенти матбуот котиби Дмитрий Песковнинг рафиқаси ва болалари «қора рўйхат»га кирган.
Изоҳ (0)