Қашқадарё вилояти Нишон туманида директор ва ўқитувчи бир-бирини ўқувчилар кўз ўнгида калтаклади. Бу ҳақда Nasafnews хабар берди.
Қайд этилишича, Нишон туманида жойлашган касб-ҳунар мактаби директори ўқитувчи билан жанжал қилган. Хабарда ҳолат шу йилнинг 15 июль куни содир бўлгани ҳақида ёзилган.
«Видеода директор ва ўқитувчи муштлашувига ўқувчилар ҳам гувоҳ бўлиб туришганини кўриш мумкин», — дейилади хабарда.
Қашқадарё вилояти Ички ишлар бошқармаси ҳолатга муносабат билдирди. Келтирилишича, ҳолат 15 июль куни соат тахминан 11:00 лар чамасида Нишон туман 2-сон касб-ҳунар мактабида юз берган. Г.У. ва Х.О. исмли фуқаролар ўзаро тортишиб қолиб, келишмовчилик юзага келган.
Ҳолат юзасидан ҳозирда Нишон туман ИИБ ЖХХ ҲПБ профилактика инспектори томонидан суриштирув ҳаракатлари олиб борилмоқда.
Нишон туман ҳокимлигининг маълумот беришича, директор ва ўқитувчи айни вақтда ўзаро келишиб олган. Бир-бирига нисбатан ҳеч қандай адоват қолмаган ва келажакда дўстона руҳда биргаликда ишлашга қўл ташлашган.
Изоҳ (0)