АОКАда Олий ва ўрта махсус таълим вазирлиги ахборот хизмати раҳбари Мўмин Ибодов иштирокида ўтказилган брифингда 2022 йилда давлат дастурида белгиланган вазифалар ижроси юзасидан маълумот берилди.
Давлат дастурига асосан, Наманган муҳандислик-технология институти негизида Наманган тўқимачилик саноати институтини ташкил этиш бўйича президент қарори лойиҳаси ишлаб чиқилган ва Вазирлар Маҳкамасига киритилган.
Шунингдек, ишлаб чиқаришдан ажралмаган ҳолда олий маълумот олиш имкониятини янада кенгайтириш, бунда босқичма-босқич масофавий таълим шаклида кадрлар тайёрлашни йўлга қўйиш бўйича Вазирлар Маҳкамаси қарори лойиҳаси ишлаб чиқилган.
Президентнинг тегишли қарори билан Ис'ҳоқхон Ибрат номидаги Наманган давлат чет тиллар институти фаолияти ташкил этилган.
Шунингдек, давлат дастурининг 213-бандида ишлаб чиқаришдан ажралмаган ҳолда олий маълумот олиш имкониятини кенгайтириш, бунда босқичма-босқич масофавий таълим шаклида кадрлар тайёрлашни йўлга қўйиш бўйича Вазирлар Маҳкамаси қарори лойиҳасини ишлаб чиқиш белгиланган. Бу борада «Олий таълим тизимида масофавий таълим шаклини жорий этиш чора-тадбирлари тўғрисида»ги қарор лойиҳаси тайёрланиб, Вазирлар Маҳкамасига киритилган.
Изоҳ (0)