Президент таълим муассасалари агентлиги тизимидаги Нукус, Хива, Наманган ва Тошкент шаҳарларидаги Президент мактаблари CIS (Халқаро мактаблар кенгаши) аъзолигига қабул қилинди. Бу ҳақда Халқ сўзи хабар қилди.
Қайд этилишича, Халқаро мактаблар кенгаши аъзоси бўлиш таълим муассасасининг халқаро даражада тан олинганини билдиради. Ушбу мактабларда ўқийдиган ўқувчиларнинг чет элдаги топ университетларда тўлиқ грант ютиш имконияти ошади.
«Халқаро мактаблар кенгаши аъзолигига ўтиш учун мактаблар гуруҳи сифатида ариза бериш ташкилот тарихида илк бора кузатилмоқда», — дейилади хабарда.
Таъкидланишича, айни пайтда 2021 йилда ўз фаолиятини бошлаган 10 та янги Президент мактаби мазкур ташкилот аъзолигига ўтиш жараёнида турибди.
Мавзуга доир:
- Ўзбекистонда Президент мактабларига кира олмаган 5-синф ўқувчилари янги ташкил этилаётган ихтисослаштирилган мактабларга имтиҳонсиз қабул қилинади
- Ўзбекистонда юқори малакали ўқитувчиларни рағбатлантириш учун халқ таълими вазирининг жамғармаси ташкил этилади
- Ўзбекистонда ихтисослашган мактабнинг 9-синф ўқувчилари камида 1 та хорижий тил сертификатини олиши белгиланди