Япония собиқ бош вазири Синдзо Абэга ўқ узган шахс Япония Ўз-ўзини мудофаа қилиш кучлари собиқ денгизчиси бўлиб чиқди, деб хабар бермоқда «Коммерсантъ». Бу Абэ нутқ сўзлаган Нара шаҳрида яшовчи 41 ёшли Тэцуя Ямагамидир. У қўлбола қуролдан фойдаланган.
Ямагами собиқ бош вазирга қарата бир неча марта ўқ узганидан кейин дарҳол қўлга олинганди. Айни пайтда у полиция томонидан сўроқ қилинмоқда.
Собиқ бош вазирнинг ҳужумга учрагани акс этган видеони NHK телеканали эълон қилди.
Ямагамининг қўлга олиниши:
NHK полициядаги манбаларига таяниб хабар қилишича, Абэ касалхонага олиб кетилаётган пайтда ҳуши жойида бўлган.
Токио собиқ губернатори Ёити Масудзоэ маълум қилишича, Абэнинг юраги тўхтаб қолган. BBC ёзишича, Японияда «ўлим расман тасдиқланмаган пайтда кўпинча ушбу атамадан фойдаланилади».
Эслатиб ўтамиз, Нара шаҳрида Япония собиқ бош вазири Синдзо Абэга суиқасд уюштирилди, унга қарата ўқ узилди, сиёсатчи айни пайтда касалхонада.
NHK полиция маълумотларига таяниб хабар беришича, собиқ бош вазирнинг юраги тўхтаб қолган, у вертолётда касалхонага олиб борилган. Ҳукуматдаги мансабдорлардан бирига кўра, Абэ оғир аҳволда.
Изоҳ (0)