«Мана, командирнинг аҳволи, формани хор қилди» — Қашқадарёда ЙПХ ходими ҳайдовчи билан ёқалашгани акс этган видео тарқалди

Ижтимоий тармоқларда ЙПХ ходими ва ҳайдовчи ёқалашгани акс этган видео тарқалди. Видеода ЙПХ инспектори ва ҳайдовчи машина салонида ёқалашган.

Видеода воқеа кузатувиларидан бири «Мана командирнинг аҳволи, босим ўтказяпти», деган бўлса яна бир эса «командир яшади, командир яшади», дейди. Шунингдек, атрофда «командир формани хор қилди», деганлар ҳам бўлган.

Воқеа давомида воқеани кузатиб турганлардан бири «тез ёрдам чақиринглар боланинг мазаси қочди», деса, яна бири ЙПХ инспектори планшетини отиб юбориш кераклигини айтади. Бироқ, планшетни олган фуқаро бундай қилмай, уни ЙПХ инспекторига қайтариб беради. Бу пайтда эса ҳайдовчи автомобилини ёқиб, кетишга чоғланади. ЙПХ инспектори эса яна у томонга яқинлашиб, автомобиль калитини олишга уринади.

Вилоят ИИБ ахборот хизмати раҳбари Жавлон Бахтиев «Дарё»нинг бу ҳақдаги сўровига жавобан воқеа ўрганилаётганини, тез орада батафсил маълумот берилишини маълум қилди.