Ижтимоий тармоқларда тарқалган «Товуқ гўштлари қандай тайёрланиши ҳақида видео экан» сарлавҳали видео юзасидан «Паррандасаноат» уюшмаси ахборот хизматининг расмий муносабат билдирди.
Қайд этилишича, видеодаги ҳолат «Паррандасаноат» уюшмаси ходимлари томонидан ўрганилганида, Самарқанд вилоятида бир ой аввал содир этилгани маълум бўлди. Ушбу ҳолат Самарқанд вилояти Санитария-эпидемиологик осойишталик ва жамоатчилик назорати бошқармаси томонидан аниқланиб, 27 июнь куни жаримага тортиш бўйича далолатнома тузилган. Тегишли ҳужжатлар ҳозирда ҳуқуқий баҳо бериш учун судга тақдим этилган. Ҳолат айни пайтда назоратга олинган.
«Жамоатчиликка шуни маълум қиламизки, республикамизда сотиладиган парранда гўштининг асосий қисми саноатлашган кушхоналар ҳиссасига тўғри келади. Айни пайтда 30 дан ортиқ йирик қувватли, тўлиқ автоматлаштирилган, замонавий технологиялар билан жиҳозланган кушхоналар фаолият юритмоқда.
Шунингдек, Ўзбекистон Республикаси Президентининг 2021 йил 14 июндаги «Паррандачиликни ривожлантириш ва тармоқ озуқа базасини мустаҳкамлашга қаратилган қўшимча чора-тадбирлар тўғрисида»ги Қарори асосида замонавий кушхона ва музлаткичларни ўз ичига олган 14 та паррандаларни сўйишга мўлжалланган намунавий лойиҳадаги замонавий комплекслар қурилмоқда. Ушбу лойиҳалар кейинги йилда янада кўпроқ гўштни қайта ишлаш имконини беради.
Айни пайтда фаолият юритаётган кушхоналардан бири 2018 йилда ташкил этилган «Азиуз Group» МЧЖ бўлиб, йилига 20 минг тонна парранда гўштини қайта ишлашга мўлжалланган. Корхона директори Саидазиз Юлдашевнинг маълум қилишича, Польшадан олиб келинган технология паррандани сўйиш, тозалаш, гўштини қисмларга ажратиш жараёнида инсон иштирокини минимал даражага келтиришга имкон бермоқда. Қолаверса, санитария талаблари доирасида.
Ветеринария ва чорвачиликни ривожлантириш қўмитаси ҳамда «Паррандасаноат» уюшмаси томонидан ҳамкор ташкилотлар билан видеода акс этган ҳолатларни олдини олиш бўйича кенг миқёсли амалий ишлар олиб борилмоқда», – дейилади муносабатда.
Изоҳ (0)