Стив Жобс вафотидан кейин Президентнинг Озодлик медали билан тақдирланиши ҳақида Оқ уй матбуот хизмати хабар берди.
АҚШ президенти Apple асосчисининг компьютер, мусиқа ва кино саноати, шунингдек, бутун мамлакат ривожига қўшган бебаҳо ҳиссасини қайд этишга қарор қилди. Жо Байден ўз баёнотида Жобснинг ижодкорлиги ва қарашлари алоқа соҳасини ўзгартирган ва ўзгартиришда давом этаётган ихтироларга олиб келганини айтди.
Президентнинг Озодлик медалини топшириш маросими 2022 йил 7 июль куни Оқ уйда бўлиб ўтади. Унинг доирасида актор Дензел Вашингтон ҳам мукофотланади.
Стив Жобс 1976 йил 1 апрелда Стив Возняк билан биргаликда Apple компаниясига асос солган. Инноватор компаниянинг бош директори ва директорлар кенгаши раиси сифатида ишлаган. 1986 йилда Жобс Pixar компьютер анимация студиясини сотиб олди, унинг ривожланишига у бир неча бор Apple акцияларини сотишдан тушган шахсий пул маблағларини киритди.
Жобс 2011 йил 5 октябрда ошқозон ости бези саратонидан вафот этган.
Изоҳ (0)