Эрон жанубидаги Ҳурмузгон вилоятида зилзила юз берди, оқибатда беш киши ҳалок бўлиб, 44 киши жабрланди, деб ёзади «Интерфакс» маҳаллий ОАВларга таяниб.
Европа-Ўртаер денгизи сейсмология маркази маълумотларига кўра, зилзила магнитудаси 6 га тенг бўлган. Эпимарказ Ҳурмузгондаги Бендер-Ленге шаҳридан 61 км шимоли-шарқда, 10 км чуқурликда жойлашган.
Зилзила 2 июль, шанбага ўтар кечаси Тошкент вақти билан 2:32 да содир бўлган. Эрон ОАВлари зилзила кучини 6,1 баллга баҳолади.
Биринчи ер ости силкинишидан кейин афтершоклар кузатилди, уларнинг энг кучлиси 6,2 магнитудага тенг бўлди.
Эслатиб ўтамиз, 22 июнга ўтар кечаси Афғонистоннинг жануби-шарқий минтақасида 6,1 магнитудали зилзила содир бўлди. Бунинг оқибатида 1,5 минг киши ҳалок бўлган, 2 минг киши жароҳатланган, минглаб иншоотлар вайрон бўлган.
Изоҳ (0)