Қашқадарё вилояти Муборак, Ғузор туманлари ва Самарқанд шаҳрида валюта олди-сотдиси билан шуғулланиб келган фуқаролар аниқланди. Бу ҳақда Иқтисодий жиноятларга қарши курашиш департаменти хабар қилди.
Қайд этилишича, Бош прокуратура ҳузуридаги департаментнинг Муборак туман бўлими томонидан тезкор тадбир ўтказилган. Унда «Муборак деҳқон бозори» олдида валюта қимматликларини муомалага киритиш фаолияти шуғулланиб келаётган О.Н. бошқа бир фуқаро Х.га жами 3 700 долларни 41 миллион сўмга сотган вақтида ашёвий далиллар билан ушланган.
Бошқа ҳолатда департаментнинг Ғузор туман бўлими томонидан тезкор тадбир ўтказилган. Унда «Ғузор деҳқон бозори» олдида валюта қимматликларини муомалага киритиш фаолияти шуғулланиб келаётган А.Қ. фуқаро Н.га жами 3 минг долларни 33,3 миллион сўмга сотган вақтида ашёвий далиллар билан қўлга олинган.
Шунингдек, департаментнинг Самарқанд шаҳар бўлими томонидан Миллий гвардия ходимлари билан ҳамкорликда тезкор тадбир ўтказилган. Унда фуқаро П.М. «Эркин савдо» мажмуаси олдида валюта қимматликлари савдоси билан шуғулланиб келгани аниқланган. У фуқаро А.га жами 2 950 долларни 33,9 миллион сўмга сотган вақтида ашёвий далиллар билан ушланган.
Ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилган. Ҳозирда тергов ҳаракатлари ўтказилмоқда.
Изоҳ (0)