Буюк Британия бош вазири ғарбдаги ҳамкорлар учун Россия президенти Владимир Путинга Украина масаласида ён бериш фалокатларга олиб келишини маълум қилди. Бу ҳақда Independent хабар берган.
Нашр ҳукумат расмий вакилининг Жонсон Британия Вазирлар Маҳкамасидаги нутқидан иқтибос келтирганини ёзган.
«Ҳеч кимнинг Путинга ён беришига йўл қўймаслигимиз керак, бу фалокатдан ўзга нарсани вужудга келтирмайди. Сабаби бу асоссиз қилинаётган зўравонлик мукофоти дея қабул қилиниши, нафақат Россия, балки унинг иттифоқчиларига ҳам таъсир кўрсатиб, Буюк Британиянинг хавфсизлиги ва иқтисодиётига таҳдид бўлиши мумкин», — дейилади Британия бош вазирининг баёнотида.
Шунингдек, Жонсон Буюк Британия Украинага ҳар томонлама кўмак беришда давом этишини ваъда қилган.
Британия ҳукумати раҳбари халқаро жамоатчилик томонидан Украинага янги сиёсий, ҳарбий ва молиявий ёрдам тақдим қилинишини таъминлашини айтган, низодан чарчаш ҳолатлари ўсиб бораётганидан огоҳлантирган.
Аввалроқ Франция президенти Эммануэль Макрон Украинадаги уруш тугаганидан кейин Россияни камситмаслик кераклиги, аксинча уни изоляциядан олиб чиқишга ҳаракат қилиш кераклигини қайд этганди.
Изоҳ (0)