Ҳимоячи Дани Алвес «Барселона»ни тарк этади.
Раҳбарият бразилиялик футболчига 30 июнга қадар мўлжалланган шартномани узайтирмаслигини маълум қилган.
Каталонияликлар билан шартномани узайтириш Алвеснинг устувор мақсадларидан бири эди. Дани ҳаттоки бир йиллик битимга ҳам рози эди. Шунга қарамай, «кўк-анорранглилар» футболчини эркин агент сифатида қўйиб юборишга қарор қилди.
Ҳимоячига Европанинг бир нечта клубларидан таклифлар бор, тез орада улар билан танишиб чиқади.
Алвес Instagram саҳифасида «Барселона» билан хайрлашди.
Бразилиялик ҳимоячи 2008 йилдан 2016 йилга қадар каталонияликлар шарафини ҳимоя қилган эди. 2022 йил январь ойида эркин агент сифатида жамоага келиб қўшилганди.
39 ёшли Дани 2021/22 йилги мавсум Ла Лигада 14 та ўйинда майдонга тушиб, битта гол ва 3 та голли узатма муаллифига айланган.
Изоҳ (0)