Футбол бўйича Осиё кубогининг ярим финалидан ўрин олган Ўзбекистон ва Япония ёшлар терма жамоалари ўртасидаги баҳсни томоша қилиш учун стадион яқинига кўплаб мухлислар йиғилди. Мухлислар учун «Бунёдкор» стадиони ташқарисига катта экран ўрнатилди.
Қуйида стадион яқинидаги ҳолат акс этган видеолавҳаларни тақдим этамиз.
Эслатиб ўтамиз, Осиё Кубоги—2022 1/4 финали доирасидаги Ироққа қарши кечган баҳснинг биринчи бўлим бошида ҳакамнинг қарорлари ва рақиб футболчиларидан норози бўлган айрим мухлислар майдон ҳамда техник ҳудуд томон қаттиқ буюмларни улоқтирганди. Улоқтирилган жисмлар туфайли бир нафар ўзбекистонлик фотосуратчи ва бир нафар хорижлик оператор жароҳат олган.ОФК Тартиб-интизом қўмитаси юзага келган вазиятларни ўрганиб чиқиб, Ўзбекистон U-23 терма жамоаси футболчиси Абдувоҳид Неъматовга нисбатан 3 та ўйинга четлатиш (дисквалификация) ва жарима (500 АҚШ доллари) интизом чорасини қўллаш, Олимпия терма жамоасининг ярим финал доирасида Японияга қарши учрашувини мухлисларсиз ўтказиш ҳамда Ўзбекистон футбол ассоциациясига жарима интизом чорасини қўллаш юзасидан қарор чиқарди.
Изоҳ (0)