2022 йил 13 июнь ҳолатига кўра, Сальвадор биткоин инвестицияларининг ярмини йўқотди. Бу ҳақда Mashable хабар берди.
2021 йил октябрь ойида Сальвадор президенти Найиб Букеле бир биткоин учун 60 мингдан ортиқ нархда 420 биткоин сотиб олган. 9 май куни у яна бир биткоин учун 30 мингдан ортиқ нархда 500 биткоин сотиб олди.
Криптовалютанинг қиймати эса 22 минг доллардан пастга тушди, бу 2020 йил охиридан бери энг паст кўрсаткичдир.
Сальвадорда ҳозирда 2301 биткоин мавжуд бўлиб, у тахминан 53 млн долларга тенг. Президент Букеле криптовалютага 105,6 млн доллар сармоя киритган.
2021 йил сентябрь ойи бошида биткоин Сальвадорнинг расмий валютасига айланган. Қонун кучга киришидан бир кун олдин мамлакат 20,9 млн долларлик 400 биткоин сотиб олган.
Букеленинг айтишича, биткоиннинг расмий тўлов воситаси сифатида тан олиниши хорижда ишлаётган мамлакат фуқароларига ўз ватанларига пул жўнатишларини осонлаштиради. Ушбу маблағлар Сальвадор ялпи ички маҳсулотининг тахминан 20 фоизини ташкил қилади.
Мамлакатда "биткоинизация" туфайли норозилик намойишлари бўлди - маҳаллий аҳоли бу беқарорлик ва инфляцияга сабаб бўлишига ишонган.
2022 йилнинг май ойида Сальвадорда дефолт хавфи ортди: Букеле критик облигациялар чиқаришни режалаштирди, аммо амортизация туфайли бу қолдирилди. Мамлакатнинг давлат қарзи 24 млрд доллардан ошди.
Корхоналарнинг атиги 14 фоизи тўловлар учун биткоиндан фойдаланишни бошлади. Компанияларнинг 90 фоиздан ортиғи биткоиннинг тўлов воситаси сифатида тан олиниши уларнинг даромадларига ҳеч қандай таъсир кўрсатмаслигини таъкидлаган.
Аввалроқ эфириум ва биткоин нархи кескин тушиб кетгани ҳақида хабар берилган эди.
Изоҳ (0)