Марказий банк Finlit лойиҳаси доирасида банк ячейкаси ҳақида маълумот берди.
Таътил, узоқ муддатли иш сафарига кетаётганингизда ёки шунчаки уйингиздаги қимматбаҳо буюмларнинг, моддий қимматликларнинг хавфсизлиги учун шахсий банк ячейкалари ва сейфлардан фойдаланишингиз мумкин.
Банк ячейкасининг асосий афзалликларидан бири унинг хавфсизлигида ҳисобланади. Ячейкани исталган вақтгача ижарага олиш мумкин.
Ўртача банк ячейкаси ойига 5 минг сўмдан 112 минг сўмгача туради.
Банк ячейкасида пул, қимматли қоғозлар, қимматбаҳо металлар, заргарлик буюмлари, ҳужжатлар ва бошқа бойликлар сақлаш мумкин.
Ячейкада моддий қимматликларни бутлиги ва сейф дахлсизлиги бўйича тўлиқ жавобгарликни банк ўз зиммасига олади. Шунингдек, мижоз бўйича банк сири маълумотларини ошкор этмасликни кафолатлайди
Нима учун банк ячейкаси фойдали бўлиши мумкин?
Мантиқан олиб қараганда банк ячейкаларида моддий қимматликлар ва пул маблағларини сақлаш сизга даромад олиб келмайди.
Лекин шахсий банк ячейкаларидан пул маблағларини сақлаш ва йирик амалиётларни, масалан, уй-жой олди-сотдиси вақтида фойдаланганда хавфсизлик тўлиқ таъминланади.
Банк ячейкасининг асосий афзалликларидан бири унинг хавфсизлигида ҳисобланади. Банклар кўп босқичли ҳимоя тизимига эга. Банк ячейкаси – бу металл сейф бўлиб, у зирҳли эшик, қўриқлаш тизими, сигнализация ва видеокузатув билан жиҳозланган хонада ҳимояланади.
Моддий қимматликларни ячейкада қанча вақт сақлаш мумкин?
Ячейкани исталган вақтгача ижарага олиш мумкин. Одатда шартнома узайтириш (пролонгация қилиш) имкони билан аниқ муддатда тузилади.
Баъзи банкларда ижара тўловлари бўйича муддати ўтган қарздорлик (3 ойдан ортиқ) шартномани муддатидан олдин бекор қилиш учун асос бўлиши мумкин. Банк ячейкаси хизматидан фойдаланишдан олдин шартнома шартларини диққат билан ўрганишингиз керак.
Изоҳ (0)