АОКАда ўтказилган матбуот анжуманида Мактабгача таълим вазирлиги мутасаддилари МТТлардаги раҳбар ва педагог кадрларнинг малакасини ошириш масаласига тўхталди.
Қайд этилишича, 2021 йилда 14029 нафар педагог кадрларнинг малакаси оширилган. Шундан 8198 нафар тарбиячилар ҳисобланади. Шунингдек, педагог кадрлар сифатини ошириш мақсадида қисқа муддат ўқув курслари ташкил этилиб, мазкур курсларда 50 мингдан зиёд педагог кадрлар, шундан 22 мингдан зиёди оилавий НМТТ педагог кадрлари иштирок этган.
2022 йилда мактабгача таълим тизимида 17288 нафар педагог кадрнинг малакасини ошириш режалаштирилган. Уларнинг 8600 нафари — мактабгача таълим ташкилотлари директор ва мутахассисларини қайта тайёрлаш ва уларнинг малакасини ошириш институтида, 7500 нафари — ХТВ тасарруфидаги Халқ таълими ходимларини қайта тайёрлаш ва уларнинг малакасини ошириш ҳудудий марказларида, 1188 нафари — Жисмоний тарбия ва спорт мутахассисларини илмий-методик таъминлаш, қайта тайёрлаш ва малакасини ошириш институтида малака ошириши кўзда тутилган.
Жорий йил 1-чорагида 4 652 нафар мактабгача таълим ташкилоти раҳбар ва педагог кадрлари малакаси оширилган.
Наманган ва Қўқон педагогика коллежларида тажриба-синов тариқасида Мактабгача таълим кластерлари ташкил этилган. Мазкур кластерларда жами 1022 нафар раҳбар ва педагог кадрларнинг малакаси оширилган.
Изоҳ (0)