Баъзан шунчаки пиёзни тўғраш учун бир қатор синовлардан ўтиш керак. Кўзлар ачишади, ёшланади ва бармоқлар пичоққа яқин ҳолатда бўлади. Аммо, хайриятки, бу муаммодан бир марта ва бутунлай халос бўлишга ёрдам берадиган самарали тавсиялар мавжуд. Harper’s Bazaar Kazakhstan нашри улар билан бўлишди.
Биринчидан, кўз ёшланиши сабабини кўриб чиқиш лозим. Ҳаммаси пиёзнинг ўзини ҳимоя қилиши билан боғлиқ. Сабзавот тўғралганда, у маълум ферментларни ишлаб чиқаришни бошлайди. Кимёвий реакциялар пайтида учадиган газ ҳосил бўлиб, ҳаво орқали тарқалиб, кўзларнинг ёшланишига олиб келади.
Пиёзнинг барча турлари шиллиқ қаватни бир хил даражада безовта қилмайди. Мисол учун, ширин ва яшил навлар олтингугуртнинг минимал миқдорини ўз ичига олади, шунинг учун улар камроқ реакцияга олиб келади. Пиёз тўғраганда кўз ёшларидан бутунлай қутулиш учун ушбу лайфхакларни синаб кўришингизни маслаҳат берамиз.
Ўткир пичоқдан фойдаланинг
Ўтмас пичоқ тўғрашни қийинлаштиради ва учувчан газ билан ўралган муҳит вақтини оширади. Шунинг учун, пичоқ қанчалик ўткир бўлса, тўғраш шунчалик қулай бўлади.
Пиёзни олдиндан совитиб олинг
Пиёзни тўғрашдан олдин 30-45 дақиқа давомида музлаткичга қўйиш керак. Бу усул фақат сабзавотни дарҳол ишлатишни режалаштирганда мос келади. Акс ҳолда, совуқ ҳарорат пиёзнинг сифатига салбий таъсир ўтказади.
Кўзни ҳимоя қилиш воситаларидан фойдаланинг
Газ ва кўзлар ўртасида тўсиқ яратишга ҳаракат қилиш лозим. Албатта, бу ҳолатда оддий қуёшдан сақлайдиган кўзойнаклар ҳам ёрдам беради, лекин агар янада самарали ҳимоя қилишни истасангиз, махсус кўзойнак сотиб олиш тавсия этилади.
Муқобил ошхона воситаларини ишлатинг
Махсус қўшимчалар ёки оддий сабзавот тўғрайдиган махсус ошхона жиҳозидан фойдаланиш мумкин. Бу орқали пиёз билан камроқ алоқа қилиш ва ҳимояланиш мумкин.
Фойда бермайдиган машҳур маслаҳатлар
Тўғраш пайтида сақич чайнаш. Ушбу маслаҳатни тасдиқловчи илмий далил йўқ;
Пиёзни сувда намлаш. Сув, аксинча, шиллиқ қаватнинг ачиштирувчи хусусияти жараёнини тезлаштиради;
Пиёзни тўғрашдан олдин микротўлқинли печда қиздириш. Иссиқ ҳарорат пиёзнинг таъмини ўзгартириши ва уни ёқимсиз қилиши мумкин.
Изоҳ (0)