Сурхондарё вилояти Денов туманида ҳайдовчи радар ўрнатилган автомашинада хизмат олиб бораётган Йўл-патруль хизмати ходимини ҳақорат қилганди. Бош прокуратура матбуот котиби ҳайдовчига нисбатан жиноят иши қўзғатилганини маълум қилди.
Ҳолат 6 июнь куни М41 халқаро автомобиль йўлининг Денов тумани «Лочин» маҳалласи ҳудудидан ўтувчи қисмида содир бўлган. Тезликни аниқловчи мослама билан жиҳозланган Cobalt’да хизмат олиб бораётган ЙПХ ходими хизмат олиб бораётган жойига шу туманда яшовчи А.Х. Nexia’да йўлнинг қарама-қарши бўлагидан ҳаракатланиб келиб, уни ҳар хил уятли сўзлар билан ҳақоратлаб, яқин қариндошлари номига туҳмат қилган. Ҳолатни ўзининг телефонига тасвирга олиб, ижтимоий тармоқларга тарқатган.
Унга нисбатан Жиноят кодексининг 140-моддаси (ҳақорат қилиш) билан жиноят иши қўзғатилди.
Аввалроқ Фарғонада ИИБ ходимини ҳақорат қилган аёлга жиноят иши қўзғатилгани, Чироқчида ЙПХ ходимларига тажовуз қилган 7 нафар фуқаро 15 суткага қамалгани ҳақида хабар берилган.
Изоҳ (0)