Россия ташқи ишлар вазирлиги АҚШнинг 61 нафар фуқароси — катта компанияларнинг топ-менежерлари, собиқ раҳбарлари ва амалдорларга нисбатан санкциялар қўллади.
Бу АҚШнинг Россия сиёсатчилари ҳамда жамоат арбоблари, шунингдек мамлакат бизнесига нисбатан қўллаган тақиқларга жавоб чораси сифатида баҳоланмоқда.
Россия санкциялари АҚШ молия вазири Жанет Еллен, энергетика вазири Женнифер Гренхолм, Оқ уйнинг коммуникация масалалари бўйича директори Кейт Бедингфилд ва Netflix раҳбарларидан бири Рид Хастингсга нисбатан жорий этилган.
OneWeb, Delta Airlines, Universal Pictures, CBS, Moody’s, Nasdaq каби компанияларнинг топ-менежерлари ҳам Россия тақиқларига учраган.
Аввал апрель ойида Россия АҚШнинг 398 нафар конгрессменини «қора рўйхат»га киритган, шунингдек, Канада парламентининг 87 нафар сенаторига ҳам конгрессменларига қўлланилган санкцияларнинг муқобили жорий этилганди.
Изоҳ (0)