Украинада уруш олиб бораётган Россия кучларига 6,5 мингга яқин украиналик аскар таслим бўлди. Бу ҳақда Россия мудофаа вазири Сергей Шойгу вазирликдаги йиғилишда маълум қилди.
«Беш кун ичида Украина Қуролли Кучларининг 126 нафар ҳарбий хизматчиси таслим бўлди, уларнинг умумий сони олти минг тўрт юз саксон тўққиз нафарни ташкил этади», — деди у.
Вазир, шунингдек, сўнгги ўн кун ичида Россия ҳарбийлари хорижий давлатлар томонидан Украинага етказиб берилган 51 та ҳарбий техникани йўқ қилганини айтди. Жумладан, 12 та зирҳли техника, 21 та 155 миллиметрли гаубица, иккита реактив ракета ва 16 та дрон йўқ қилинган.
Шойгунинг сўзларига кўра, Россия кучлари «Северский Донэтсининг чап қирғоғи бўйлаб Донецк ва Луганск халқ республикаларининг салмоқли қисми» устидан назоратни қўлга киритган. Шойгунинг айтишича, Красний Лиман ва Святогорск шаҳарлари ҳамда яна 15 та аҳоли пункти ҳарбийлар томонидан босиб олинган.
Мавзуга доир:
- «Азовсталь»даги 265 нафар украиналик ҳарбий асирликка таслим бўлди. У ердан яна бир гуруҳ ҳарбийлар эвакуация қилинди
- Россия яна 771 нафар «Азов» жангчиси таслим бўлганини маълум қилди
- «Азовсталь»да 152 кишининг жасади бор миналанган фургон топилди — Россия Мудофаа вазирлиги
- NYT: Май ойи бошида 400 га яқин россиялик аскар Украина шарқидаги дарёни кечиб ўтишга уринаётиб ҳалок бўлган
Изоҳ (0)