Соғлиқни сақлаш вазирининг тегишли буйруғи билан Абдуқаюм Тўхтақулов Фарғона вилояти Соғлиқни сақлаш бошқармаси бошлиғи вазифасини бажарувчи этиб тайинланди. Бу ҳақда ССВ хабар қилди.
Қайд этилишича, Республика шошилинч тиббий ёрдам илмий маркази Фарғона филиали директори вазифасида ишлаб келган
Абдуқаюм Тўхтақулов 53 ёшда. Тошкент врачлар малакасини ошириш институти ўқитувчиси сифатида ишлаб, тажриба орттирган. Кейинчалик Қўқон шаҳар шошилинч тиббий ёрдам маркази хирурги, Бешариқ туман тиббиёт бирлашмаси бошлиғи лавозимларида фаолият юритган.
У тайинловгача 2019 йилдан буён Республика шошилинч тиббий ёрдам илмий маркази Фарғона филиали директори вазифасида ишлаб келган.
Фарғона вилояти ССБнинг аввалги бошлиғи Ҳусан Мамаджонов ўз вазифасидан озод этилган. Хабарда бунга нима сабаб бўлгани ҳақида аниқ маълумот берилмаган.
Аввалроқ Бухоро ва Қашқадарё вилоятларининг соғлиқни сақлаш бошқармаларига янги раҳбарлар тайинланганди.
Изоҳ (0)