Украинанинг Туркияда ишлаб чиқарилган Bayraktar ТB2 дронлари ёрдамида Россия артиллерия тизимларини йўқ қилиши, ушбу дронларга бўлган талабнинг ортишига хизмат қилди. Бу ҳақда компания мутахассиси Селжук Байракдар Reuters’га маълум қилган.
Селжукнинг сўзларига кўра, улар революцион қурилма ярата олди. «Бугунга келиб бутун дунё бизнинг мижозимизга айланди. Bayraktar ТB2 тизимини бутун дунё таниди», — дейди Baykar Technology компаниясининг бош мутахассиси.
Узунлиги 12 метр келадиган дрон 7,620 метр баландликка кўтарила олади. У танк ва артиллерияни лазер ёрдамида нишонга олиб, йўқ қилишга қодир. Компания вакилларининг таъкидлашича, айнан ушбу дрон Россиянинг яққол ҳарбий устунлигига тўсқинлик қилди.
Маълумот ўрнида айтиш керакки, Россия президенти Владимир Путин Bayraktar дронларини бир неча бор танқид қилди. 24 февралда бошланган урушдан бери эса у омма олдидаги чиқишларида дронни 45 марта тилга олган.
Шу билан бирга, Bayraktar дронларидан Тоғли Қорабоғдаги жангларда ҳам фойдаланилди. Ушбу можарода Туркия Озарбайжон тарафини олган эди.Ҳозирда Baykar компанияси Bayraktar’нинг янги авлод қурилмаларини яратиш устида иш олиб бормоқда.
Изоҳ (0)