Ўзбекистонликлар учун «Ҳаж-2022» сафари 18 июндан бошланади. Бу ҳақда Мусулмонлар идораси матбуот хизмати хабар берди.
Маълум қилинишича, Ўзбекистон зиёратчилари 18 июнь куни Uzbekistan Airways авиакомпаниясининг самолётлари орқали Саудия Арабистонига парвоз қилади. Ҳаж сафарга жўнаш авиақатновлари шу йил 30 июнга қадар давом этади.
Зиёратчиларни мамлакатнинг 7 та ҳудуди — Тошкент, Наманган, Самарқанд, Қарши, Бухоро, Урганч ва Нукус шаҳарларидан ташиш режа қилинган. Барча рейслар тўғридан-тўғри Мадина шаҳрига амалга оширилади.
Маълумот учун, 14—31 июль кунлари эса ўзбекистонлик зиёратчилар ушбу Саудия Арабистонидан ватанга олиб келинади.
Аввалроқ Ўзбекистонда Ҳаж зиёратига бориш учун тўлов миқдори ошгани, Саудия Арабистони 2022 йилги Ҳаж ибодатини адо этиш учун ёш чегарасини белгилагани тўғрисида хабар берилганди.
Изоҳ (0)