Иқтисодий тадқиқотлар ва ислоҳотлар маркази (ИТИМ) томонидан Ўзбекистондаги 31 та тижорат банки учун банк фаолияти индекси ишлаб чиқилди. Индексга асосланиб, ИТИМ ҳар чоракда банклар рейтингини янгилайди. Тадқиқот хусусий секторнинг банк активлари улушидаги ўзгаришларни мониторинг қилиш, шунингдек, мамлакат банк секторида олиб борилаётган ислоҳотлар ва трансформация жараёнлари самарадорлигини баҳолаш мақсадида ўтказилмоқда.
Иқтисодий тадқиқотлар ва ислоҳотлар маркази банк фаолияти индексини янгилади. «Капиталбанк» молиявий воситачилик ва активлар сифати соҳасида энг юқори натижаларни кўрсатиб, 2020 йилнинг 2-чорагидан буён етакчиликни қўлдан бой бермай, банк фаолияти рейтингида 17 та йирик банк орасида биринчи ўринни эгаллаб турибди.
Муддатли банк омонатлари ҳажми ўтган даврга нисбатан 18,2 фоизга ошиб, 9,3 триллион сўмни ташкил этди. Муддатли депозитларнинг умумий кредитлар суммасига нисбати 100 фоизга етди.
Бошқа банклар ва молия ташкилотларидан жами мажбуриятлар бўйича депозитлар ва кредитларнинг улуши 2,9 фоизни ташкил этди, Молия вазирлигидан олинган маблағлар улуши эса 5,5 фоизни ташкил этди. Ушбу кўрсаткичлар «Капиталбанк»нинг аҳоли ва бизнес билан фаол иш олиб бораётганини намоён этади.
Реклама ҳуқуқи асосида.
Изоҳ (0)