Европадаги инфляция янги рекорд даражага кўтарилиб, май ойига қадар 8,1 фоизни ташкил этди. Бу ҳақда Financial Times хабар берди.
Европада инфляция ўсиши тез орада секинлашмайди, — деди Commerzbank иқтисодчиси Кристоф Вайл.Унга кўра, Россия нефть ва газини етказиб беришда узилишлар бўлмаса ҳам, энергия нархининг ўсиши йил давомида сезиларли даражада пасайса ҳам, инфляция даражаси 6 фоиз атрофида бўлиши мумкин.
Нархларнинг ўсиши ушбу чоракда энг юқори даражага чиқиши керак бўлса-да, у ҳали ҳам ЭCБънинг келгуси йилги 2 фоизлик мақсадидан ўртача кўпроқ бўлади.
Европа Комиссиясининг шу ҳафтада ўтказган сўрови истеъмолчилар ўртасида инфляция хавотирлари орқага чекинаётганини кўрсатган.
Товар нархларининг кескин ўсиши ва таъминот занжири муаммоларининг янгиланиши фонида ишлаб чиқариш секинлашди.
Айни пайтда, Европа Иттифоқининг Россия нефтини тақиқлаши, уруш буғдой ва ўғит етказиб беришни тўхтатганлиги сабабли қисман кўтарилаётган нархларга босимни янада ошириши мумкин.
Европа ҳукуматлари уй хўжаликлари юкини енгиллаштириш учун бир қатор чора-тадбирларни амалга оширди. Шунга қарамай бу ой Франция, Италия ва Испанияда нархлар рекорд даражага кўтарилди.
Германия инфляцияси 8,7 фоизга етганидан сўнг, молия вазири Кристиан Линднер душанба куни унга қарши курашни «биринчи устувор вазифа» деб атади ва шу билан бирга кенг қамровли молиявий сиёсатни тўхтатишни ёқлади.
Аввалроқ Германияда инфляция янги рекордни ўрнатгани ҳақида хабар берилган эди.
Изоҳ (0)