Сурхондарёдан Тошкентга истеъмолга яроқсиз гўшт маҳсулотларини олиб келаётган Cobalt автомобили аниқланди. Бу ҳақда ИИВ Жамоат хавфсизлиги департаменти хабар берди.
Маълум қилинишича, «Умакай» ЙПХ масканида Cobalt автомобили назорат текшируви учун тўхтатилган. Термиз—Тошкент йўналишида ҳаракатланиб келган деновлик А.Х.га тегишли машина тўхтатилиб, унинг юкхонаси кўздан кечирилганда, тегишли ветеринария ҳужжатларисиз, келиб чиқиши номаълум бўлган 100 килограммдан ортиқ гўшт маҳсулоти борлиги аниқланган. Ушбу гўшт маҳсулотлари ҳужжатлаштириб олинган.
Аввалроқ Жиззахда Nexia юкхонаси ва салонидан Тошкентга олиб кетилаётган 712 кг номаълум ҳайвон гўшти топилгани, Бухородан Тошкентга 500 кг истеъмолга яроқсиз гўшт олиб кетаётган Isuzu тўхтатиб қолингани тўғрисида хабар берилганди.
Изоҳ (0)