Ўзбекистон йил бошидан бери биринчи марта олтин савдосини тўхтатди

Ўзбекистон апрель ойида олтин сотмади. Бу Давлат статистика қўмитаси маълумотларида қайд этилди.

Апрель 2022 йилда олтин экспорт қилмаган биринчи ойдир.

Таққослаш учун, январда унинг экспорти 586,6 миллион долларни, февралда 1775,3 миллион долларни, март ойида эса 609,3 миллион долларни ташкил қилган.

Ўзбекистон олтинини ким, қаерга ва нима учун сотяпти?

Кўплаб олтин ишлаб чиқарувчи мамлакатларда уни мамлакатнинг ўзи экспорт қилади, аммо Ўзбекистондаги ягона сотувчи — бу Марказий банк бўлиб, ишлаб чиқарувчилардан (масалан, Навоий кон-металлургия комбинатидан) олтинни сотиб олади ва уни бошқа мамлакатларга (асосан Швейцарияга) экспорт қилади.

Марказий банкда айтишларича, олтин унинг нархи қимматлашган пайтида сотилади.

Аввалроқ Ўзбекистоннинг олтин-валюта захиралари рекорд даражага кўтарилгани ҳақида хабар берилган эди. Захирада 11,1 миллион троя унция олтин бор. Бу тахминан 345 тоннани ташкил этади.