Россиянинг Ленинград вилоятидаги Ломоносов туман марказий шифохонасида трактор босиб кетган Ўзбекистон фуқароси вафот этди. Бу ҳақда ҳуқуқ-тартибот идораларидаги манбасига таяниб, «78.ru» нашри хабар берди.
Кўнгилсиз ҳодиса 16 май куни тушда Низино қишлоғидаги Кутузов кўчасида содир бўлган. 39 ёшли эркак тос ва пастки суякларининг оғир жароҳати, ўнг қов суягининг иккала шохининг ёпиқ синиши, ўнг сон суягининг ёпиқ синиши, ўнг ёнбош томирлари ва соннинг чуқур томирларининг травматик ёрилиши, травматик шок билан шифохонага етказилган. Эркак олган тан жароҳатлари оқибатида соат 15:30 да вафот этган.
Ҳозирда мазкур ҳодисанинг келиб чиқиш сабаблари ўрганилмоқда. Марҳум ўлимидан олдин унинг ўзи трактор остига йиқилиб тушганини айтган. Эркак ҳеч қаерда ишламаган, миграция ҳисобида турган.
Аввалроқ Москвада мигрантлар ишлаётган бино томининг қулаб тушиши оқибатида бир нафар Ўзбекистон фуқароси ҳалок бўлганди.
Изоҳ (0)