Хоразм вилоятида жамиятда юриш-туриш қоидаларини қасддан менсимасдан, ўзга шахсларни уриш-дўппослаш каби жиноятларни содир қилиб келган безорилар гуруҳи қўлга олинди. Бу ҳақда Ички ишлар вазирлиги хабар қилди.
Қайд этилишича, ҳуқуқни муҳофаза қилувчи органлар томонидан ҳамкорликда тадбир ўтказилган. Унда гуруҳга Урганч шаҳрида яшовчи муқаддам судланган С.Х. (1986 йилда туғилган) бошчилик қилгани аниқланган.
Ҳолат юзасидан Жиноят кодексининг 277-моддаси 3-қисми билан қўзғатилган жиноят иши доирасида С.Х. билан биргаликда Урганч шаҳрида яшовчи Б.Э. (1992 йилда туғилган) ва Урганч туманида яшовч О.М. (1986 йилда туғилган) ҳам гумонланувчи тариқасида жалб этилиб, процессуал тартибда ушланган.
Гумонланувчиларга тегишли автомашиналардан уриш ва тан жароҳати етказишда фойдаланиладиган пичоқ, темир бита ашёвий далил тариқасида олинган.
Изоҳ (0)