Шавкат Мирзиёев 12 май куни Фарғона вилояти Учкўприк тумани «Бобошбек» маҳалласидаги «Енгил саноат маҳсулотлари ишлаб чиқариш ва логистика маркази»га ташриф буюрди, деб хабар бермоқда «Дарё» мухбири.
Қайд этилишича, ушбу марказ енгил саноат маҳсулотлари ишлаб чиқариш ҳамда логистика ва савдо тармоқларини ривожлантиришга мўлжалланган. Лойиҳа қиймати 250 миллиард сўмни, майдони эса 15 гектарни ташкил этади. Ажратилган ер майдонининг 9,2 гектарида ишлаб чиқариш ва 3,8 гектарида савдо комплекслари ташкил этилиши режалаштирилган.
Бундан ташқари, ҳудудда 2 гектар майдонда 2 та логистика маркази ташаббускорлари томонидан амалга оширилади. Корхонанинг ишга туширилиши натижасида йилига 876 миллиард сўмлик маҳсулот ишлаб чиқарилади. Экспорт ҳажми 18,5 миллион долларни ташкил этади. Йилига бюджетга 106,5 миллиард сўм маблағ тушади.
Марказда жами 7 минг 661 та иш ўрни яратилиши режалаштирилган.
Қўштепа туманида ҳам яна бир тўқимачилик корхонаси қурилмоқда. «Глобал техтиле инфинитй» масъулияти чекланган жамияти томонидан ташкил этилаётган бу фабрика йилига 18 миллион метр юқори сифатли мато ҳамда 10 миллион дона тайёр маҳсулот ишлаб чиқариш қувватига эга бўлади.
Давлат раҳбари тўқимачиликда қайта ишлаш даражасини ва маҳсулотлар ошириш бўйича кўрсатмалар берди.
«Бугун бозор бешафқат. Бу рақобатга муносиб бўлиш учун тадбиркорнинг камида беш йиллик мўлжали, сифат кафолати, таннархда ўзининг резерви бўлиши керак», — деди Шавкат Мирзиёев.
Изоҳ (0)