Жиззах вилояти Ғаллаорол туманида 28 апрель куни текширувлар мобайнида ҳеч қандай ҳужжатларсиз олиб кетилаётган гўшт маҳсулотлари тўхтатиб қолинди. Бу ҳақда вилоят Ички ишлар бошқармаси хабар қилди.
Қайд этилишича, шу куни соат 01:05 ларда «Сангзор-15» ЙПХ масканида Қашқадарё—Тошкент йўналиши бўйлаб ҳаракатланиб кетаётган Қашқадарё вилояти Чироқчи тумани «Кунчиқар» МФЙда истиқомат қилувчи Х.М (1993 йилда туғилган) бошқарувида бўлган Nexia тўхтатилиб, текширилган. Натижада автомашина салони ва юкхонасида жами 712 килограмм номаълум ҳайвон гўшти ҳеч қандай ҳужжатларсиз ветеринария-санитария қоидаларига зид равишда Тошкент шаҳрига олиб кетаётгани аниқланди.
Гўшт маҳсулоти истеъмолга яроқли ёки яроқсизлигини билиш мақсадида вақтинча сақлаш учун музхонага жойлаштирилиб, белгиланган тартибда холислар иштирокида ҳужжатлаштирилган.
Изоҳ (0)