Россия қўшинларининг Украинадаги ҳарбий операциясининг иккинчи босқичи вазифаси Донбасс ва Жанубий Украина устидан тўлиқ назоратни ўрнатиш ҳамда Қримга қуруқлик орқали коридорни таъминлашдан иборат. Бу ҳақда 22 апрель куни Марказий ҳарбий округ қўшинлари қўмондони вазифасини бажарувчи Рустам Миннекаев Свердлов вилоятидаги Мудофаа саноати корхоналари иттифоқининг йиғилишида маълум қилди, деб хабар беради «Интерфакс».
«Махсус операциянинг иккинчи фазаси бошланганидан бери, у икки кун олдин бошланди, Россия армиясининг вазифаларидан бири — Донбасс ва Жанубий Украина устидан тўлиқ назоратни ўрнатиш. Бу Қримга қуруқлик орқали коридорни таъминлайди, шунингдек, Украина иқтисодиёти учун ўта муҳим объектларга таъсир кўрсатади», — дейди Миннекаев.
Шу билан бирга, унинг таъкидлашича, Украина жанубини назоратга олиш «русийзабон аҳолига зулм қилиш фактлари ҳам мавжуд» Приднестровега (Молдова ва Украина билан чегарадош Ғарбий Европадаги тан олинмаган республика) чиқиш имконини беради.
«Афтидан, биз ҳозирда бутун дунёга қарши урушяпмиз, Иккинчи жаҳон урушида бўлгани каби бутун Европа, бутун дунё бизга қарши. Улар ҳеч қачон Россияни яхши кўрмаган, ҳозир ҳам шу», — дея қўшимча қилади ҳарбий.
Аввалроқ ўзини ўзи республика деб эълон қилган Донецк Халқ Республикаси халқ милицияси вакили Эдуард Басурин махсус гуруҳлар Мариуполдаги «Азовсталь» металлургия заводига ҳужумни бошлаганини маълум қилганди. Заводда аёллар ва болалар борлиги ҳақида аввалроқ Украина денгиз корпусининг 36-алоҳида бригадаси командири майор Сергей Волин гапирган эди. Кейинроқ Россия президенти Владимир Путин Мариуполдаги саноат зоналарига ҳужумни бекор қилишни буюрди.
Изоҳ (0)