Ўзбекистонда 2022 йилнинг илк чорагида автобус ва юк автомобиллари ишлаб чиқариш сони тўғрисида маълумот берилди.
Унга кўра, 2022 йил январь март ойларида Ўзбекистонда жами 870 дона юк автомобиллари ишлаб чиқарилди. Бу ўтган йилинг мос даврига нисбатан 2,6 фоизга камдир.
2020 йилининг дастлабки чорагида 1014 та юк автомобиллари ишлаб чиқарилган эди. Бу эса аввалги йилнинг биринчи чорагига нисбатан 23,6 фоизга камдир.
Жорий йилнинг биринчи чорагида Ўзбекистонда 129 дона автобус ишлаб чиқарилган. Бу кўрсаткич ўтган йилнинг шу даврига нисбатан 12,2 фоизга камайган.
Ўзбекистонда автобус ишлаб чиқариш саноати 2021 йилнинг илк чорагида кескин камайган эди. 2020 йил январь март ойларида 312 дона автобус ишлаб чиқарилган бўлса, 2020 йилда бу кўрсаткич 52,9 фоизга камайиб 147 дона бўлган.
Автобус ва юк автомобилларини ишлаб чиқариш сўнгги уч йилда камайиб бормоқда. 2022 йилнинг Илк чорагида сўнги йиллардаги энг кам автобус ишлаб чиқарилди.
Юк автомобилларини ишлаб чиқариш 2018 йилдан бери энг паст кўрсаткичга тушиб кетди. Ўша йили дастлабки чоракда 485 дона юк автомобиллари ишлаб чиқарилган эди.
Аввалроқ Ўзбекистонда январь ойида 1 дона автобус ишлаб чиқарилгани ҳақида хабар берилган эди.
Изоҳ (0)