Шавкат Мирзиёев иштирокида Қарши шаҳрида халқ депутатлари вилоят кенгашининг навбатдан ташқари сессияси бўлиб ўтмоқда, деб хабар берди «Дарё» мухбири.
Президентни таъкидлашича, 2022 йилда Қашқадарёга 1,5 триллион сўмдан зиёд маблағлар ажратилиб, жами 2 800 километр муҳандислик-коммуникация тармоқлари, 160 та ижтимоий соҳа объектларини янгидан қуриш ва реконструкция қилиш ишлари олиб борилмоқда.
Шавкат Мирзиёев 2022 йилда Қашқадарёда ижтимоий соҳа ва инфратузилма билан боғлиқ энг долзарб муаммоларни ҳал этиш учун республика бюджетидан қўшимча 360 миллиард сўм ажратилишини маълум қилди.
Шунингдек, Инвестиция вазирлиги бу ишлар учун халқаро молия институтлари маблағларидан 100 миллион доллар имтиёзли маблағлар йўналтиради.
«Ушбу қўшимча ажратилаётган 360 миллиард сўм ва 100 миллион доллар ҳисобига, аҳволи энг оғир бўлган объектларда бажариладиган ишларнинг дастлабки манзилли рўйхати шакллантирилди. Бу ишларни жадал бошлаш учун душанба куни, Молия вазирлиги 100 миллиард сўм ссуда, ҳамда Инвестициялар вазирлиги 100 миллиард сўм маблағни ажрацин», — дейди президент.
Изоҳ (0)