Сирдарё вилояти Сирдарё тумани тиббиёт бирлашмаси акушерлик комплексида етти килолик чақалоқ туғилди. Бу ҳақда вилоят Соғлиқни сақлаш бошқармаси хабар қилди.
Қайд этилишича, она ва чақалоқнинг соғлиғи яхши. Уларга шифокор ва ҳамширалар белгиланган тартибда ёрдам кўрсатмоқда. Чақалоқ кесарча кесиш амалиёти орқали дунёга келтирилган.
«Бу каби чақалоқлар Сирдарё вилоят тарихида биринчи бор туғилиши. Уни дунёга келтирган она асли Сирдарё туманидан бўлиб, 1998 йилда туғилган. Гигант қизалоқ эса унинг биринчи фарзанди ҳисобланади», — дейилади хабарда.
Эслатиб ўтамиз, Ўзбекистонда 2021 йилнинг январь—ноябрь ойларида 16 минг 822 нафар эгизак чақалоқ туғилган. 2021 йил 1 декабрь ҳолатига кўра, Ўзбекистонда 832,4 минг туғилиш қайд этилган. Ноябрь ойининг ўзида эса республикада жами 79 213 та чақалоқ туғилган. Давлат статистика қўмитаси маълумотларига кўра, Ўзбекистонда 10 йил давомида уч нафар эгизаклар туғилиши 4 бараварга кўпайди. 2021 йилнинг биринчи ярмида эгизаклар сони бўйича Самарқанд вилояти етакчи бўлган.
Изоҳ (0)