Қанчалик тоза сақлашга ҳаракат қилинмасин, кийимдаги озиқ-овқат доғларидан қочиб бўлмайди. Шунингдек, уларнинг ҳар бири индивидуал ёндашувга муҳтож — акс ҳолда севимли либослар билан абадий хайрлашишга тўғри келиши мумкин.
Резаворлар
Агар кийимга резавор шарбати тўкилган бўлса, уни иложи борича тезроқ қайноқ сув билан ювиш (агар матонинг таркиби имкон берса), кейин совуқ сувда чайиш тавсия этилади. Қолган доғларни юмшоқ сирка эритмасига намлаш орқали олиб ташлаш мумкин.
Хантал
Хантал доғини олиб ташлаш учун кўпроқ меҳнат қилиш керак. Дастлаб кийимда қолган соус қошиқ ёки пичоқ билан қириб ташланади. Кейин доғ бир неча томчи формик кислота билан намланади. Қаттиқ чўтка билан озгина артиб олинади ва бир неча марта тоза сувда ювилади. Хантал доғларини оқ кийимдан 1 фоизли водород перикс эритмаси билан олиб ташлаш мумкин.
Шоколад
Шоколад доғлари билан курашиш ҳам қийин ҳисобланади. Уни оддий ювиш воситалари билан тозалашнинг кераги йўқ, сувда эрийдиган ферментлар билан махсус ювиш воситаларидан фойдаланиш мумкин. Эмульсияни сув билан суюлтириб ва кўпикли губкада доғ устига суртилади. Тахминан ярим соат кутилади ва тоза сувда ювилади.
Қаҳва ва чой
Чой ва қаҳва доғларини иложи борича тезроқ олиб ташлаш керак. Энг осон усул — уни глицерин ва ош тузи билан тозалаш. У доғга қўлланади ва одатдагидек кийимларни ювишдан олдин 20-30 дақиқага қолдирилади.
Ёғ
Ёғ доғини зудлик билан сувда ювиб ташлаш керак, акс ҳолда ёғ матога янада кенгроқ тарқалиши мумкин. Шундан сўнг доғ ун, талк ёки крахмал билан ёпилади. 30 дақиқа кутиб, сўнгра мато яхшилаб силкитиб олинади ва доғ кукун ўрнига суюқ идишларни ювиш воситаси ёрдамида ювилади.
Кетчуп
Асосий қоида: кетчуп доғларига ҳеч қачон иссиқ сув қуймаслик керак. Қолган соусни совуқ сув билан ювиб ташлаш, сўнгра доғнинг четидан ўртасига қаратиб, доғли жойга тиш пастасини қўллаш лозим. 30-40 дақиқадан сўнг кийим ювилади.
Соя соуси
Оқ кийимдаги соя соуси доғини 100 мл этил спирти, 5 мл бензин ва 10 мл аммиак аралашмаси билан кетказиш мумкин. Рангли кийимлар билан эҳтиёт бўлиш керак. Доғни икки бўлак хом картошка билан ишқалаб кўрилади — бири олд томондан, иккинчиси эса кийимнинг ички томонига қўйилган ҳолда.
Изоҳ (0)