Ирода Қўчқорова Наманган вилоят ҳокимининг маънавий-маърифий ишлар самарадорлигини ошириш, давлат тили тўғрисидаги қонун ҳужжатларига риоя этилишини таъминлаш масалалари бўйича маслаҳатчиси этиб тайинланди. Бу ҳақда «Дарё» мухбири Азизбек Абдувалиев хабар бермоқда.
Ирода Қўчқорова 1967 йилда Наманган вилоятининг Поп туманида туғилган. Наманган давлат педагогика институти (ҳозирги Наманган давлат университети) тамомлаган. Иш фаолиятини Поп туманидаги 23-умумтаълим мактабида ўқитувчиликдан бошлаган.
Кейинчалик Мингбулоқ туман ёшлар қўмитаси, Халқ демократик партияси туман кенгаши, туман ҳокимлигида турли масъул вазифаларда меҳнат қилган. 2018—2020 йилларда Наманган вилояти ҳокимининг ўринбосари —вилоят хотин-қизлар қўмитаси раиси бўлган.
У мазкур тайинловга қадар Наманган вилояти ҳокимининг хотин-қизлар масалалари бўйича маслаҳатчиси — Маҳалла ва оилани қўллаб-қувватлаш бошқармаси бошлиғининг биринчи ўринбосари лавозимида ишлаб келаётган эди.
Изоҳ (0)