Telegram’даги «Давлетовуз» каналида Жиззах вилояти Тиббий-ижтимоий хизматларни ривожлантириш бошқармасига Cobalt хизмат машинаси харид қилиш учун қўшимча маблағ ажратилгани тўғрисида хабар эълон қилинди. Вилоят Кенгаши котибияти ҳолатга муносабат билдирди.
Гап шундаки, Шавкат Мирзиёев 31 март куни макроиқтисодий барқарорликни таъминлаш, аҳоли фаровонлигини ошириш масалалари юзасидан видеоселектор ўтказган. Унда давлат раҳбари йил якунига қадар барча ҳокимлик, вазирлик ва идораларга:
- молиявий манбаси аниқ бўлмаган қурилишларни бошлаш;
- бино таъмирлаш, автомобиль, мебель, офис анжомлари харид қилиш каби қўшимча харажатларни амалга оширишни қатъиян тақиқлаганди.
Қарор 2 апрель куни чиқарилишига ҳужжат барча масъуллар келишувидан кейин имзоланиб, «э-қарор» электрон тизимига киритилгани сабаб бўлган.
Аввалроқ Экология ва атроф-муҳитни муҳофаза қилиш давлат қўмитаси хизмат машина паркига 10 дона электромобиль харид қилганди. «Келажакда қўмитанинг барча хизмат машиналарини электромобилларга алмаштириш ва уларни муқобил энергия манбалари ҳисобидан қувватлаш тизимини жорий қилиш режалаштирилган», — дейилади хабарда.
Эслатиб ўтамиз, Иқтисодий тараққиёт ва камбағалликни қисқартириш вазирлиги «Электромобильлар ишлаб чиқариш ва улардан фойдаланишни ташкил этишни қўллаб-қувватлаш чоралари тўғрисида»ги президент қарори лойиҳасини муҳокамага қўйганди. Унга кўра, вазирликлар, идоралар, бюджет ташкилотлари, маҳаллий ҳокимият органлари ҳамда устав капиталида давлат улуши 50 фоиздан ортиқ бўлган корхоналар хизмат автомобиллари паркининг 2025 йилга қадар камида 10 фоизигача, 2030 йилга қадар 100 фоизи босқичма-босқич электромобилларга алмаштирилади.
Мавзуга доир:
Изоҳ (0)