Қашқадарёда тиббиёт ходимларини мажбурий меҳнатга жалб қилган бош шифокор жавобгарликка тортилди. Бу ҳақда Бандлик ва меҳнат муносабатлари вазирлиги маълум қилди.
Қайд этилишича, Қарши туман тиббиёт бирлашмасининг реанимация бўлими бошлиғи бўлимда фаолият юритувчи ҳамшира ва орастабонларни туман тиббиёт бирлашмаси ҳовлисини тозалашга мажбур қилгани учун Маъмурий жавобгарлик тўғрисидаги кодексининг 51-моддаси 1-қисми (меҳнатга бирон-бир шаклда маъмурий тарзда мажбурлаш)га асосан жаримага тортилган.Вазирлик туман тиббиёт бирлашмасининг бўлим бошлиғи қанча жарима тўлаганига аниқлик киритмаган. Аммо Маъмурий жавобгарлик тўғрисидаги кодексининг 51-моддаси 1-қисмида мазкур ишга қўл урганлар базавий ҳисоблаш миқдорининг эллик бараваридан юз бараваригача миқдорда жарима солишга сабаб бўлиши қайд қилинган.
Аввалроқ Қашқадарёда тиббиёт ходимлари шифохона ҳудудини тозалашга жалб қилингани кўринган видео тарқалганди. Видеода тунги пайтда туман тиббиёт бирлашмаси ҳовлисидаги ўтларни тозалаётгани кўринган тиббиёт ходимлари тозалаш ишлари бўлиши кераклиги ҳақида туман тиббиёт бирлашмасига топшириқ бўлганини айтганди.
Изоҳ (0)