2022 йилнинг март ойида аҳолининг мурожаатларига асосан Уй-жой коммунал хизмат кўрсатиш вазирлиги ҳузуридаги Уй-жой фонди инспекцияси томонидан республикадаги кўп қаватли уй-жой фондларига хизмат кўрсатувчи ширкатларнинг фаолияти ўрганилди, деб хабар беради вазирлик матбуот хизмати.
Ўрганишлар натижасида 23 та уй-жой мулкдорлар ширкати томонидан 36 та ҳолатда 1,7 миллард сўм маблағ мақсадсиз сарфлангани ёки талон-торож қилингани аниқланган. Шундан 7 та ҳолатда қурилиш-таъмирлаш ишлар ҳажмига 327,1 миллион сўм қўшиб ёзилган. Бундан ташқари:
- 3 та ҳолатда 78,9 миллион сўм кредит маблағи мақсадсиз сарфланган ёки талон-торож қилинган;
- 21 та ҳолатда мулкдорлардан йиғилган 1,2 миллиард сўм мажбурий бадал маблағи мақсадсиз ишлатилган ёки талон-торож қилинган;
- 5 та ҳолатда умумий қиймати 99,7 миллион сўм бўлган бошқа ҳуқуқбузарлик ва камчиликларга йўл қўйилган.
Аввалроқ Сирдарёда ўзгалар номига 1,2 млрд сўм кредит расмийлаштирган собиқ банк ходимларига жиноят иши очилгани, Зангиотада 5,9 млрд сўм имтиёзли кредит маблағларини талон-торож қилган раҳбарлар аниқлангани, Тошкентда ўзи ишлайдиган корхонанинг 160 млн сўмдан ортиқ маблағини талон-торож қилган бош ҳисобчи ушлангани тўғрисида хабар берилганди.
Изоҳ (0)