Тошкент вилояти Олмалиқ шаҳрида насос агрегатларини ўзлаштирган МЧЖ раҳбари аниқланди, деб хабар бермоқда Иқтисодий жиноятларга қарши курашиш департаменти.
Қайд этилишича, Бош прокуратура ҳузуридаги департаментнинг Олмалиқ шаҳар бўлими томонидан терговга қадар текширув ўтказилган Унда Г.Э. МЧЖга «Тошкент сув таъминоти» МЧЖнинг Олмалиқ шаҳар бўлими томонидан яроқлилигини текшириш учун тақдим қилинган умумий баҳоси 219,2 миллион сўмлик 30 дона насос агрегатларининг яроқсизлиги тўғрисида сохта далолатномалар расмийлаштирилиб, ушбу насос агрегатлари ўзлаштириш йўли билан талон-торож қилинганлиги аниқланган.
Ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш ва 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан жиноят иши қўзғатилган. Ҳозирда тергов ҳаракатлари ўтказилмоқда.
Изоҳ (0)