Лионель Месси блокчейн платформаси билан 20 млн долларлик шартнома имзолади

Аргентина терма жамоаси ва «ПСЖ» клуби ҳужумчиси Лионель Месси Socios блокчейн платформаси билан шартнома имзолади.

Дастлабки битим 3 йилга мўлжалланган. Аргентиналик футболчи бренднинг расмий элчисига айланди. Socios Лионель билан бир қатор токенлар сериясини чиқариш эҳтимоли ҳам бор.

Ушбу ҳамкорлик Мессига 20 миллион доллардан кўпроқ даромад келтириши кутилмоқда.

Socios — Chillz криптовалюта стартапи яратувчилари томонидан йўлга қўйилган сайдчейн-платформа. Унга ҳамкор бўлган компания ўзининг токенини яратиши мумкин. Ушбу компания кўплаб машҳур футбол клублари билан ҳамкорлик қилади. «ПСЖ», «Барселона», «Ювентус» ва «Интер» жамоалари шулар жумласидан.

34 ёшли футболчи 2021/22 йилги мавсум парижликлар сафида барча мусобақаларда 26 ўйинда майдонга тушиб, 7 та гол ва 11 та голли узатмани ўз ҳисобига ёздириб қўйди.