Украина тупроғидаги россиялик аскарларнинг жасадлари, Харьковда егулик учун навбат — урушнинг 33-кунидан фоторепортаж
Украинада Россия босқини бошланганига 33 кун бўлди. Ғарб компаниялари Россияни тарк этишда давом этмоқда — бу сафар Carlsberg ва Heineken мамлакатдан чиқиб кетди. Мустақил оммавий ахборот воситалари деярли қолмади: «Новая газета» фаолиятини тўхтатганини эълон қилди. Миллиардер Роман Абрамович ва Россия-Украина ўртасида март ойи бошида Киевда ўтказилган тинчлик музокараларининг икки иштирокчиси кимёвий қурол билан заҳарланган бўлиши мумкин, деб ёзмоқда The Wall Street Journal ва Bellingcat. Мариуполда, уруш бошланганидан бери, маҳаллий ҳокимият маълумотларига кўра, беш мингдан ортиқ тинч аҳоли ҳалок бўлган. Украина қўшинлари бир неча жабҳада қарши ҳужумга ўтди ва қатор аҳоли пунктларини қайтариб олди. Meduza урушнинг ўттиз учинчи кунидан олинган асосий фотосуратларни жамлади.
Суми вилояти, Тростянец шаҳридаги жиддий шикастланган турар жой биноси. Украина қўшинлари қарши ҳужум пайтида шаҳарни Россия кучларидан қайтариб олишга муваффақ бўлди. 2022 йил 28 мартФото: AP Photo
Тростянец аҳолиси жангдан кейин қолдириб кетилган, ўт очилмаган артиллерия снарядларини кўздан кечирмоқда. 2022 йил 28 мартФото: AP Photo
Иккинчи жаҳон уруши ёдгорлиги фонида ишдан чиқарилган танк. Тростянец, 2022 йил 28 мартФото: AP Photo
Изоҳ (0)