Шавкат Мирзиёев 28 март куни тиббиёт соҳаси вакиллари билан бўлиб ўтган очиқ мулоқотда белгиланган вазифаларга бағишланган видеоселектор йиғилишини ўтказди. Унда президент ҳудудлардаги марказларни танқид қилди, деб хабар бермоқда президент матбуот котиби.
«Мисол учун, Урология ва Онкология марказлари апрель ойида вилоятларда бор-йўғи 5 тадан, Акушерлик ва гинекология маркази эса 15 та юқори технологик операция ўтказишни режа қилган. Кўз микрохирургияси маркази ходимлари ҳар ойда жойига чиқиб 50 тадан операция ўтказгани билан, апрелда ҳудудга борганда атиги 3 нафар мутахассиснинг малакасини оширмоқчи. Барча марказлар раҳбарларини қатъий огоҳлантираман», — деган президент. Қайд этилишича, агар:
- ўзи бошчилигида жойларга чиқиб, янги даволаш амалиётларини ўтказмаса;
- юқори технологик операцияларни ҳудудларда жорий этмаса;
- вилоят ва туман мутахассисларини бунга ўргатмаса, ўзгариш бўлмайди. «Одамлар сарсон бўлиб, пойтахтга келаверади».
Изоҳ (0)