Швейцариянинг Ньон шаҳрида 18 март, жума куни Конференциялар Лигаси 1/4 ва 1/2 финал босқичига қуръа ташланди.
Элдор Шомуродов тўп сураётган «Рома» чорак финалда «Бундё Глимт» билан тўқнаш келади. Қайд этиб ўтиш жоиз, римликлар ушбу жамоа билан бир гуруҳдан ўрин олган эди. Жозе Моуриньо шогирдлари битта ўйинда мағлубиятга учраган бўлса, яна бир ўйинда дуранг натижа қайд этилган.
1/4 финали қуръаси қуйидагича кўриниш олди:
- «Будё Глимт» — «Рома»
- «Фейеноорд» — «Славия Прага»
- «Марсель» — «ПАОК»
- «Лестер» — «ПСВ»
Ярим финалда тўртинчи жуфтлик ғолиби биринчи жуфтлик ғолиби билан ўйнайди. Иккинчи жуфтликда зафар қучган жамоа эса учинчи жуфтлик ғолиби билан баҳс юритади.
Чорак финалнинг дастлабки ўйинлари 7 апрель куни бўлиб ўтади, жавоб баҳслари эса 14 апрелга белгиланган. Ярим финал беллашувлари эса 28 апрель ва 5 майда ўтказилади.
Изоҳ (0)