Германия кузга бориб Россия кўмиридан, 2022 йил охирида эса Россия нефтидан мустақил бўлишни мақсад қилган. Бу ҳақда Германия Федератив Республикаси иқтисодиёт вазири Роберт Хабек маълум қилган, деб ёзмоқда «Коммерсантъ».
Frankfurter Allgemeine Zeitung газетасига берган интервьюсида Хабек Германия ҳукумати Россиядан импорт қилинадиган энергия ресурсларидан тўлиқ воз кечишни режалаштираётганини билдирган. Вазир Путиннинг тажовузкор уруши оқибатида барчанинг зудлик билан эмбарго эълон қилишини тўғри тушуниши, шунингдек, Москванинг ушбу ҳаракатини бутун мамлакат масъулиятига олиши ҳақида гапирди. ГФР иқтисодиёт вазири қабул қилинаётган қарорлар оқибатини ҳам ҳисобга олиш кераклигини таъкидлади.
«Гап шахсий манфаатларни қурбон қилиш эмас, балки иқтисодий ва ижтимоий томондан жиддий қисқартиришлар ҳақида: келаси қишда импорт зудлик билан тақиқлаш олдидан иқтисодиётнинг пасайиши, инфляция ошиши, минглаб ишсиз қолган одамларнинг ҳаловати йўқолиши, иситиш ва электр таъминотида катта муаммолар бўлишини инобатга олиш лозим. Санкцияларда биз якунда бундай муаммоларга дош беришимиз кўзда тутилиши керак... Ҳар куни кеча-ю кундуз ушбу масалаларни ҳал этиш, Россия нефти, гази ва кўмирига қарамликни камайтириш устида ишлаяпмиз»,— деган Роберт Хабек.
Владимир Путин 24 февралда Украинада махсус ҳарбий операциялар бошланганини эълон қилган. Ғарб давлатлари ушбу урушга жавобан Россияга қарши кескин санкциялар жорий этди. Жумладан, 8 март куни АҚШ Россия нефти ва нефть маҳсулотлари харидига эмбарго эълон қилди. Буюк Британия ҳам шундай қарорга келган ва 2022 йил охирида Россия нефть-газидан тўлиқ воз кечмоқчи. Reuters агентлиги Европа иттифоқининг Россия гази ва нефтидан босқичма-босқич воз кечишни режалаштираётгани ҳақида хабар берди. Германия канцлери Олаф Шольц Россия нефти ва газининг Европада энергия хавфсизлигини таъминлаш мақсадида санкциялар қўлланилмаганини билдирган. Март бошида Германия Россияни айланиб ўтган ҳолда газ сотиб олишни бошлаб юборган.
Россия—Украина урушига оид тезкор, ишончли янгиликлар ва маълумотларни «Дарё»нинг Live саҳифаси орқали кузатиб боринг → @Daryo_Live
Изоҳ (0)