Неймар Жанлуижи Доннарумма билан жанжаллашиб қолгани ҳақидаги хабарларни рад этди.
Чемпионлар Лигаси 1/8 финали жавоб ўйинидан ўрин олган «Реал»га қарши ўйиндан (1:3) сўнг «ПСЖ» ҳужумчиси ва дарвозабонинг кийиниш хонасида муштлашиб кетишига бир бахя қолгани ҳақида хабар берилганди.
Неймар Instagram саҳифасида ушбу хабарлар тасвирланган материалнинг скриншотини жойлаштирди ва унга Доннарумма билан ёзишмаларини илова қилди.
Жанлуижи бразилияликка можаро ҳақидаги янгиликнинг ҳаволасини юбориб, шундай ёзган: «Салом Ней. Кечаги кун учун узр. Бу янгиликни қабул қилиб бўлмайди».
Неймарнинг жавоби қуйидагича бўлди: «Тинчлан, футболда шундай бўлиб туради. Биз бир жамоамиз. Сен жуда ёшсан ва ҳали кўплаб совринларни қўлга киритасан. Бошингни баланд кўтар ва олға юришда давом эт».
Шундан сўнг бразилиялик яна бир «stories» жойлаштириб, шундай ёзди: «Бу ерда янгиликлар ҳақида гапиришни ёмон кўраман... Лекин аввалги постда чоп этилган маълумотлар ёлғон. Кийиниш хонасида жанжал бўлмади!
Машҳурликка интилаётган савиясиз журналистлар, яна уриниб кўринглар, майлими?».
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)