Россия президенти Владимир Путин 24 февраль тонгида Донбассда «махсус ҳарбий операция» бошланганини эълон қилди. Операциядан мақсад «Киев режими томонидан таҳқирлаш ва геноцидга учраган одамларни ҳимоя қилишдир», деди Путин. 24 февраль куни эрта тонгда Киев, Харков ва Днепрда ҳарбий инфратузилма объектларига ракета ҳужумлари уюштирилди.
Украина оммавий ахборот воситаларининг ёзишича, Россия қўшинлари Харков яқинида Украина чегарасини кесиб ўтган. Шунингдек, Мариупол ва Одессага Россия десант қўшинларининг ташлангани ҳақида ҳам хабар берилган.
Россия Мудофаа вазирлиги юқори аниқликдаги қуроллар ёрдамида Украина армиясининг ҳарбий инфратузилмаси, ҳаво ҳужумидан мудофаа қилиш объектлари, ҳарбий аэродром ва авиациялари ишдан чиқарилаётганини маълум қилган. Ҳарбийларнинг таъкидлашича, Украина шаҳарларига ҳеч қандай ракета, авиация ёки артиллерия зарбалари амалга оширилмаган ҳамда «Украина аҳолисига ҳеч қандай хавф йўқ».
Изоҳ (0)