Украина ва Россия воқеалари фонида иқтисодиётда юз бераётган асосий воқеалар: рубль қадрсизланмоқда, нефть ва газ қимматлашмоқда

Украинада юз бераётган воқеалар ортидан жаҳон иқтисодиётида ҳам муҳим ўзгаришлар юз бермоқда.

Валюталар

Россия рубли халқаро савдоларда қадрсизланмоқда. 24 февраль, пайшанба куни эрталаб биржаларда евронинг нархи 101 рублга, долларники эса 90 рублга яқинлашди.

Айирбошлаш пунктларида доллар 95 дан 108 рублгача, евро эса 105 дан 120 рублгача сотилмоқда

Бу — тарихий воқеалар. Ҳатто 2014 йилда, Қрим воқеалари содир бўлганда ҳам рубль бу даражада қадрсизланмаган эди.

Россия биржалари вақти-вақти билан савдоларни тўхтатиб турибди. Россия Марказий банки рубль курсини ошириш учун валюта интервенсияларини эълон қилди.

Нефть ва газ 

Brent маркали нефть нархи 2014 йил сентябрь ойидан бери биринчи марта бир баррель учун 103 долларгача кўтарилди. Европада газ алмашинуви нархи 41 фоизга ошди. Бу газ фьючерслари учун 190 еврога яқинлашган ўтган декабрдан бери энг юқори ёқилғи нархидир.

Қимматбаҳо металлар

Олтин 1,63 фоизга ошиб, троя унцияси учун 1938 долларни ташкил қилмоқда. Палладий эса 1,64 фоизга ошиб, унцияси учун 2522 долларни ташкил қилмоқда.

Кумуш эса 1,8 фоизга ошиб, унцияси 25 долларни ташкил қилди. Платинанинг нархи эса 0,95 фоизга ошиб, 1102 долларга етди. 

Компаниялар

Рубль курсидан кейин Россия компанияларининг акциялари кескин тушиб кетди. Айрим компания акцияларининг пасайиши деярли 50 фоизни ташкил этди. Россия компаниялари учун «Қора пайшанба»:

Транспорт

Мамлакатлар ва авиакомпаниялар Украинага парвозларни бекор қилишди. Uzbekistan Airways Украина ҳаво ҳудуди йўловчи ҳаво кемалари қатновлари учун ёпилиши муносабати билан Киевга парвозлар бекор қилинганини маълум қилди.

Хизматлар

Фойдаланувчилар Telegram’даги узилишлар билан боғлиқ муаммолар ҳақида хабар беришмоқда. Downdetector маълумотларига кўра, 2500 дан ортиқ хабарларда хатолар кузатилган.

Санкциялар

Россияга қарши янги санкциялар ҳали жорий этилмаган. Еврокомиссия раҳбари Урсула фон дер Ляен Россия иқтисодиётининг стратегик тармоқларига қарши санкциялар жорий этишини ва Россия банкларининг Европа молия бозорларига киришини тўсиб қўйишини маълум қилди.